Владислав Тимофеевич Якушкин — халықаралық деңгейде мойындалған табиғат фотосуретшісі

Владислав Тимофеевич Якушкин 1949 жылы 25 наурызда геолог отбасында дүниеге келіп, Қазақстанда ер жеткен. Зоолог мамандығы бойынша білім алуы оның табиғат пен қоршаған ортаға деген ерекше, әрі қамқор көзқарасын қалыптастырды. 1974 жылы ол үздік фотосуреті үшін алғашқы марапатына ие болып, бұл оның ұзақ әрі жан-жақты шығармашылық жолына бастау болды.

Владислав Якушкин — КСРО Журналистер одағының мүшесі, көптеген халықаралық фотокөрмелердің лауреаты. Оның фотoальбомдары Қазақстан, Ресей, АҚШ, Швейцария, Германия және басқа да елдерде жарық көрген. 1992 жылдан бастап - Америка фотографтар қауымдастығының мүшесі, сондай-ақ отандық және шетелдік фотобайқаулардың қазылар алқасының беделді мүшесі.

Владислав Тимофеевич Якушкин

ZETA компаниясымен серіктестігі

ZETA компаниясы көптеген жылдар бойы Владислав Тимофеевич Якушкинмен тығыз ынтымақтастықта жұмыс істеп келеді. Бұл серіктестіктің негізінде Қазақстанның табиғи мұрасын сақтау және кеңінен насихаттау сияқты ортақ құндылықтар жатыр. Аталған ынтымақтастықтың бастамашысы әрі идеялық шабыт берушісі — ZETA компаниясының негізін қалаушы Омаров Қанат Байтенұлы. Ол үшін мәдениетке, өнерге және отандық авторларды қолдауға үлес қосу — бренд философиясының ажырамас бөлігі.

ZETA мен Владислав Якушкин арасындағы серіктестік аясында Қазақстан табиғатына арналған бестен астам фотоальбом жарық көрді. Бұл еңбектер елдің алуан түрлі ландшафтын, жануарлар әлемін және қайталанбас табиғи атмосферасын қамтиды. Жобалардың басты мақсаты –фотосурет тілі арқылы туған жердің сұлулығын барынша кең аудиторияға жеткізу.

Владислав Тимофеевич Якушкин ZETA компаниясымен бірлесіп жасалған «Жемчужина природы Казахстана» кітабының түсаукесерінде. фото: Юрия Беккера

ZETA кеңістігіндегі экспозиция

Владислав Тимофеевич Якушкиннің фотосуреттері ZETA дүкендерінде ұсынылған. Сауда кеңістігінде музей галереясы форматында арнайы экспозициялық аймақ жасақталған. Мұнда келушілер тыныш әрі ойға шомдыратын атмосферада фотографтың авторлық туындыларымен танысып, өнердің заманауи кеңістікпен үйлесімін сезіне алады. Владислав Якушкиннің еңбектерін сатып алуға болады. Бұл фотосурет өнерін бағалайтын жандарға автордың түпнұсқа туындыларына ие болып, Қазақстан табиғатының жанды мұрасымен жақынырақ танысуға жол ашады.

ZETA дүкеніндегі Владислав Тимофеевич Якушкиннің жұмыстары қойылған экспозициялық аймақ