«Темірсақ» зауытында ZETA өкілдері мен Беларусь Республикасының жеңіл өнеркәсіп министрі («Беллегпром» концернінің төрайымы) Надежда Анатольевна Лазаревич бастаған делегацияның кездесуі өтті. Кездесуде өндіріс технологиялары, тәжірибе алмасу және екі ел кәсіпорындары арасындағы ынтымақтастық мүмкіндіктері сөз болды.
Кездесуге келген басқа да қатысушылар:
- Денис Владимирович Мелешкин — Беларусь Республикасының Алматы қаласындағы Бас консулы;
- Наталья Александровна Гундарь — «Беллегпром» концернінің сыртқы экономикалық байланыстар басқармасы басшысы;
- Ольга Сергеевна Политико — «Минское производственное кожевенное объединение» ААҚ бас директоры;
- Дмитрий Сергеевич Сергомассов — «Оршанский льнокомбинат» РУӨСК бас директорының коммерциялық мәселелер жөніндегі орынбасары;
- Кирилл Вячеславович Савлуков — «Савлуков-мебель» ЖСӨУК бас директоры әрі иесі;
- Оксана Васильевна Пржевальская — «Витебские ковры» ААҚ бас технологы әрі техникалық бөлімінің басшысы;
- Наталья Станиславовна Зайцева —«Лента» ААҚ техникалық бөлімінің басшысы.
Диалогтың негізгі өзегі — өнеркәсіптік кооперацияны дамыту мүмкіндіктері. Беларусь кәсіпорындарының басшылары мен техникалық мамандары ZETA өкілдерімен бірлесіп, өндірістегі ортақ міндеттер мен өзара ынтымақтастықтың ықтимал бағыттарын талқылады.
ZETA — Қазақстандағы жиһаз, пластик бұйымдар, үй мен кеңсеге арналған тауарлар өндіруші. Компания үшін шетелдік әріптестермен тікелей пікір алмасу — тәжірибе алмасып, өндіріс үдерістеріндегі тәсілдерді салыстырып, кәсіпорындар арасындағы ынтымақтастықтың өзара тиімді бағыттарын анықтау үшін таптырмас мүмкіндік.
Компания жиынға қатысушыларға кәсіби диалог пен қазақстандық өндіріспен бірлесе жұмыс істеуге қызығушылық танытқаны үшін алғыс білдіреді.